Loğman (tibb məktəbi) — Vikipediya

“Loğman” Səhmdar Cəmiyyətinin Respublika təsərrüfat hesablı tibb məktəbi — Azərbaycanda qeyri-dövlət orta ixtisas təhsili müəssisəsi^[1]

Məktəb fəaliyyətə 1991-ci ildən başlamışdır^[2]. Məktəbin direktoru Rəmziyyə Abdullayeva idi^[2].

12 fevral 1996-cı ildə Azərbaycan Respublikası Nazirlər Kabinetinin Qərarı ilə Dövlət Ali Ekspert Komissiyasının rəyinə əsasən qeydiyyata alınmışdır^[1]. Lakin onun fəaliyyətinə Azərbaycan Respublikası Təhsil Nazirliyi tərəfindən lisenziya verilməmiş, məktəb yalnız Nazirlər Kabinetinin qərarı əsasında fəaliyyət göstərmişdir. Fəaliyyəti dövründə məktəbinin məzunlarına Təhsil Nazirliyi tərəfindən dövlət nümunəli diplomlar verilməmişdir^[3].

2006-cı ildə Təhsil Nazirliyinin vəsatəti əsasında Azərbaycan Respublikası Nazirlər Kabineti tərəfindən bu məktəbə tələbə qəbulu dayandırılmışdır. 30 dekabr 2007-ci ildə Azərbaycan Respublikası Nazirlər Kabinetinin Qərarı ilə qeydiyyata alınma barədə 12 fevral 1996-cı il tarixli Qərar qüvvədən düşmüş hesab edilmişdir^[4]. Həmin vaxtdan “Loğman” tibb məktəbinin fəaliyyəti rəsmən dayandırılsa da, məktəbdə qanunsuz olaraq tədris prosesi bir müddət davam etdirilmişdir^[2].

Tibb məktəbində təhsil müddəti 3 il olan 5 ixtisas üzrə kiçik mütəxəssis hazırlığı aparılmışdır:^[1]

• Müalicə işi;
• Mamaçılıq işi;
• Əczaçılıq;
• Ortopedik stomatologiya;
• Tibb bacısı işi.

1. ↑ ^{1 2 3} “«Loğman» Səhmdar Cəmiyyətinin Respublika təsərrüfat hesablı tibb məktəbinin qeydiyyata alınması haqqında” Azərbaycan Respublikası Nazirlər Kabinetinin 12 fevral 1996-cı il tarixli, 16 nömrəli Qərarı.^{[ölü keçid]}  (azərb.)
2. ↑ ^{1 2 3} Ədalət Daşdəmirli. “Fəaliyyəti dayandırılmış “Loğman” tibb məktəbinin direktoru hökumət qərarına məhəl qoymaq istəmir…”^{[ölü keçid]}“Azərbaycan müəllimi” qəzeti. 2008-ci il, № 15.  (azərb.)
3. ↑ Təhsil Nazirliyinin məlumatı^{[ölü keçid]}“Azərbaycan müəllimi” qəzeti. 2008-ci il, № 2.  (azərb.)
4. ↑ “”Loğman” Səhmdar Cəmiyyətinin Respublika təsərrüfat hesablı tibb məktəbinin qeydiyyata alınması haqqında” Azərbaycan Respublikası Nazirlər Kabinetinin 1996-cı il 12 fevral tarixli 16 nömrəli qərarının qüvvədən düşmüş hesab edilməsi barədə” Azərbaycan Respublikası Nazirlər Kabinetinin 30 dekabr 2007-ci il tarixli, 221 nömrəli Qərarı.^{[ölü keçid]}  (azərb.)

Məktəb ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.